नदर (लेख) - गंधाली गांवकर

मनीस हो संवसारांतलो असो जीव, जाच्या विचारांचेर आनी वागण्याचेर ह्या संवसारांत ताची वळख जाता. ताचे विचार ताका एक वेगळेंच रूप दितात. ताचे बरे-वायट विचारा ताका बरो-वायट थारायता. आपल्या विचारांचे नदरेंतल्यान तो दुसर्‍या मनशांक वा वस्तूंक पारखूंक लागता. मनशाच्या मनांत एका वायट विचारान घर करून दवरिल्लें आसा. तें म्हणल्यार ताका दोळ्यांनी पळोवंक सोबीत दिसपी कसलीय वस्त वा खंयचोय मनीस, तो बरो वा बरी अशी समजता. देखून एक भुरगें जल्माक येता आनी तें वाडूंक लागता तेन्ना आमी ताका नाजूक, सोबीत दिसपी वस्त वा खेळणें ताच्या मुखार दवरतात. त्या वेळार तें भुरगें सोबीत दिसपी खेळण्याकच वा वस्तूक हात घालता. घडये त्या ल्हान भुरग्याच्या मनांत तेंच घर उबें रावलां जायत. पूण जेन्ना तेंच भुरगें व्हड जाता,  ताका संवसाराची समज येवंक लागता त्या वेळार ताची वस्त वा मनशां कडेन पळोवपाची नदर बदलपाक लागता.

पूण सगळ्यांचेच बाबतींत अशें घडटा अशें ना. कांय मनशां वस्तू वेंचतना कितें सोबीत दिसता तेंच वेंचून काडटात. तशेंच ते मनीस वेंचतनाय करतात. मनशांची सोबीतकाय पळोवन तीं भुलतात आनी तांच्या वायट गुणांचेर पांगरूण घालतात. देखून कांय जाणांक ताचो मागीर पश्चताप करचो पडटा. 

"What is beautiful is not always good but what is good is always beautiful." जें सुंदर आसता तें सदांच बरें आसता अशें ना, पूण जें कितें बरें आसता तें सदांच सोबीत आसता असो ह्या वाक्याचो अर्थ. सोबीतकाय सदांच तशीच उरना. काळा प्रमाण ती बदलता. पूण मनशाचो सभाव, गूण केन्नाच बदलनात. देखून मनशान दुसरे व्यक्तीक पळोवपाची आपली नदर केन्नाच बदलची न्हय.

                                   गंधाली गांवकर

एम. ए. कोंकणी (भाग – 1)

सरकारी महाविद्यालय, केपें

 

भांगरभूंय दिसाळ्याचें लिंक - 

http://epaper.thegoan.net/3475101/BHAANGARBHUIN/Bhaangarbhuin#page/4/1