शाळा (कविता) - वेलरी गोम्स
शाळेची इमारत व्हड ना
पूण भुरग्यांच्यो
गरजो पुराय जातात
शाळेंत सकाळचे, दनपारचेय वर्ग
सुमार दोन हजार
भुरगीं शिकतात.
शाळेंत गरीब
गिरेस्त ल्हान व्हड
असो भेदभाव
शिक्षक करिनात
सगल्या
भुरग्यांक समान वागणूक
म्हणून सगले
शिक्षक खूब आवडटात.
शाळेंत तरेकवार
सर्ती
भुरगीं उमेदीन
वांटो घेतात
वांटो घेवपाक
शिक्षक मदत करतात
चुकल्यार ते
समजावन सांगतात.
शाळेंत वाचपघर
म्हळ्यार विशेशताय
तरेकवार दिसाळीं, नेमाळीं मेळटात
खेळपा खातीर , व्यायामा खातीर मैदान
मन भुलोवंक
इश्टाचो सांगात
म्हणून
भुरग्यांक शाळा अदीक आवडटा.
- वेलरी गोम्स, एम. ए. कोंकणी भाग 2
(2022)
Comments
Post a Comment