पोर म्हजें मोगाचें (कविता) - सिमरन घनश्याम मडकयकार

पोर म्हजें मोगाचें

 

हाताक पाचवीं कांकणां

गालाक लायता हळद (2)

पळय गो कशें सोबीत दिसता

म्हजें काळजाचें पोर

 

आवय बापायलें एकुलतें एक (2)

फुला सारखें जपलां ताका

त्रास ताका कसलोच जावचो न्हय

इतकेच दिसता रे म्हाका

 

कितलीय जाल्यार आवय हांव (2)

जाय जाल्यार सुद्दा चलयेक मंडपान व्हेले शिवाय दवरूंक शकना

जाला चली वयाचे हें टाळपाकूय शकना

 

मोगाचें गो म्हजें बाय

इतके बेगीन जालें व्हड हें मनाकूय पटना

हेच चली म्हजे लग्नाच्या दारांत उबे

हे अजुनी सपन न्ही हें खरें दिसना

 

राव गो तूं सदांच खोशी

होच म्हजो आशिर्वाद

गरज कसलीय लागल्यार तुका

धांवून येतलीं गो हांव (2)

  

-  सिमरन घनश्याम मडकयकार, एम. ए. कोंकणी भाग 1 (2022)