तुजें म्हजें तें नातें - मृदुला महेश नायक
तुजें म्हजें तें नातें
खिणां - खिणां येता
तुजी याद
काडटा दीस यादीन तुज्या
आवाज तुजो आयकूंक आशेता म्हजी रात आनी दीस
पळोवंक तुका आशेतात दोळे म्हजे दर एका खिणाक
नशिबान खेळ असो खेळा जिणेंत म्हज्या
नियाळटां तुका फोटवान आतां दिसाक शंबर
खेपे
काडल्यार याद तो दीस फुलता कांटो आंगार
यादीन तुज्या दर दिसा गळटात दुकां
सोडून गेलो हें जग जरी तूं
पूण मानूंक सोदना म्हजें मन...
रडटा बाय यादीन तुज्या
यो आनी 'ओगी राव गो' म्हण एकदां
बापाय वांगडा इश्ट म्हजो खंय असो शेणलो
आतां कोणाचीं मारूं फकांडां, कोण
आयकतलो म्हजीं शाणेपणां
जिणेंतलो हो घाय आतां भरून भरचोना,
केन्नाच पेकचो
ना.
- मृदुला महेश नायक,
एम. ए. कोंकणी भाग 1 (2022)
Comments
Post a Comment