पापा (कविता) - ऍन्सिला कॉस्ता
पापा
ती रोडटा...
सोदांच तुज्या उगडासान ती रोडटा
आमकां दाखोवन दिना,
आमकां ती दाखोवन दिना पूण हांव जाणां,
हांव जाणां आनी ती
न्हिदता तें उशेंय जाणां.
तिका दिसता आमकां कांयच होबोर ना म्हूण
पूण तें भुरगें आपल्या आवोयल्या मोनाक भेस-बोरें
वोळखोता
कित्याक तेंवूंय तेंच
कोत्ता.
आनी हें फोकोत
ताच्याच उशाक होबोर आसा.
आनी हें फोकोत ताच्याच
उशाक होबोर आसा.
1 जून 2019...
विसरोंक जायना म्होज्यान तो दीस
ज्या दिसा घोरांत फोकोत तुगेल्यो यादी उरिल्ल्यो
आनी येल्ले ते दुख्खाचे दीस
आनी येल्ले ते दुख्खाचे दीस.
- ऍन्सिला कॉस्ता, एम. ए. कोंकणी भाग 1 (2022)
Comments
Post a Comment