वेळ शेणलो वो मनीस? (लेख) - डॉरीस फारीया
वेळ शेणलो वो मनीस?
वेळ सगळ्यांक
खूब गरजेचो. वेळाची गरज कोणाच ना असो म्हूण कोण ना. कोंकणींत वेळ उतराचे दोन अर्थ
आसात. दर्यावेळ ह्या अर्थान वेळ शब्द वापरतात. आतां वेळ ह्या उतराच्या जाग्यार
इंग्लीशींतले टायम हें उतर वापरतात. मागीर आमी कोणाकूय विचारतात टायम कितलो जालां?
वेळ पळोवंक
आमकां घरांत वणटी घडयाळीचेर चोवपाक मेळटा. हाताक घातिल्ल्या वॉचीक पळोवन सांगूंक
शकतात. इतल्यान काबार जावूंक ना. टायम नवे पिळगेच्या बोल्सांत पावलो. म्हणल्यार
मोबायल. जाय तेन्ना जुप्प करून बोल्सांतलो मोबायल काडलो, टायम चोयलो, परत
बोल्सांत दवरलो. आलाम क्लॉक आयलें. जो मेरेन ताका बंद करनात तो मेरेन तो एक सारको
वाजत रावता. आदीं लोक कोंब्या सादार उठ्ठालें. आपल्या वावराक वतालें. पूण आतां
कोंबे गांवांतले नाच्च जाल्यात. देखून दर एकल्याचो मोबायल साद घालपाक लागलो.
घडयाळीवेलो वेळ आतां स्मार्टूय जाला.
पूण वेळ आतां नाच्च जायत वता, अशें लोक म्हणपाक लागल्यात. दर एक फावट ताच्या तोंडांतल्यान आयकतां
टायमूच पावलो ना. कारण कितें आसूंक शकता? घडयाळीचो कांटो
फास्ट घुंवता म्हूण काय वेळ बरो बेगीन धांवता म्हूण? ना,
मनीस धांवपाक लागला. आतां कांय कडेन उरफाटें घडिल्लें पळोवंक
मेळटा. म्हणटात न्ही वेळ कोणा खातीर रावना. पूण वेळाचो फायदो हांव कसो काडटालों
हें स्वताचेर थारलां. देखून वेळ आसतना आमी ताचो उपेग करून घेवचे बदलेक सुस्त
रावतात. वेळ जावन गेल्या उपरांत आमी वेळाक दोश दितात. पुरो करात असले तरेचीं
निमतां सांगपाची रीत. स्वताचो गुन्यांव वळखूंक शिकात. वेळाचो वालोर समजून घेवन
आपलीं कामां वेळार करचीं. थोडो वेळ घरच्यां खातीर दिवचो. वेळाचो बरे तरेन फायदो
घेवंक आतांच आमी जागृत जावया.
- डॉरीस फारीया, एम. ए. कोंकणी भाग 2 (2022)
Comments
Post a Comment