दिसता म्हाका (कविता) - जेस्मिला फेर्नांडीस
दिसता म्हाका रावूं हांव एकलेंच
रडपाक
येता आपशेंच
दिसता
म्हाका जालां हांव पिशें
आतां
करूं हांव कितें?
जड जाता मन
म्हजें
भरून
येता काळीज म्हजें
सोडलीं
हांवें सगलीं सतां
ते
दीस गेले आतां
आख्खी रात
म्हाका जागयता तूं
सपनांत
म्हज्या येता तूं
किरणां भशेन
चकचकता तूं
चान्न्या भशेन
लखलखता तूं
दिसता म्हाका
चोरून हाडूं तुका
मोग तुजो जालो
म्हाका
दिसता म्हाका
जायतें कितें
पूण तुका
दिसता कितें?
- जेस्मिला
फेर्नांडीस, एम. ए. कोंकणी भाग 1 (2022)
Comments
Post a Comment